अमोल धर्माधिकारी, पुणे
राज्यभरात उत्साहाचे वातावरण आहे. गणरायाच्या आगमनाने सर्वत्र भक्तिमय वातावरण दिसते. गणेशोत्सवाच्या निमित्ताने ठिकठिकाणी रोषणाई करण्यात आली आहे. गणपती बाप्पा मोरया, मंगलमूर्ती मोरया असे म्हणत घरोघरी गणपती बाप्पाचं आज आगमन होईल.
प्रत्येकालाच बाप्पाच्या आगमनाची आस लागली आहे. आज गणरायाच्या आगमनाचा दिवस आहे. बाप्पाचं आगमन हा प्रत्येकासाठी अत्यंत आनंदाचा दिवस असतो. सगळीकडे उत्साहाचे वातावरण आहे.
हा उत्सव साजरा करण्यासाठी संपूर्ण कुटुंब एकत्र येतात. आनंदाने गणपती बाप्पाचे वाजत- गाजत स्वागत करतात. सातासमुद्रापार देखिल गणेशोत्सवाची धूम पाहायला मिळते आहे. अमेरिकेतही मोठ्या उत्साहात बाप्पाचं स्वागत करण्यात आलं.
पुण्यातील देशपांडे कुटुंबीय मागील काही वर्षांपासून अमेरिकेतील ओहायो स्टेट या ठिकाणी वास्तव्यास आहे. देशपांडे कुटुंब अमेरिकेतही महाराष्ट्राची संस्कृती जपण्याचं काम करत आहेत. त्यांच्या घरी मोठ्या जल्लोषात लाडक्या बाप्पाचं स्वागत करण्यात आलं आहे.